O proxecto “Comprométete con Lugo” estivo pensado para premiar a todas aquelas persoas que mercan no comercio e na hostalería local. A campaña consistii na entrega de aneis a todos aqueles que se achegueron ao stand habilitado ao efecto con tickets de compra no comercio local e na hostalería. Algúns dos aneis levaron consigo outros agasallos promocionais do programa, que se entregaron no momento no que a persoa descubriu que resultou premiada, para logo subir ás RRS as imaxes que recollan esa situación.

A campaña levouse a cabo durante 5 días en diferentes zonas da cidade, elexindo barrios máis desfavorecidos ou con menor acceso a campañas de dinamización.

A iniciativa “Comprométete co comercio local” ven motivada para promover o desenvolvemento económico local dado que o pequeno comercio e a hostalería son un motor importante da economía de Lugo.

Promover a identidade e o sentimento de pertenza porque as empresas locais non son só lugares onde se realizan transaccións comerciais, senón que tamén contribúen á identidade e á cultura dunha comunidade. Os proxectos de dinamización coma este poden contribuír a reforzar este sentido de pertenza, creando un entorno único e característico que atrae tanto a veciños como a visitantes.

A dinamización deste tipo de negocios combate a homoxeneización e a perda de diversidade: en moitos lugares, a proliferación de grandes cadeas comerciais provocou a perda de diversidade e identidade nos centros urbanos. “Comprómetete co comercio local” busca contrarrestar esta tendencia promovendo a presenza e o éxito do pequeno comercio local, que adoita ofrecer produtos e servizos únicos e personalizados.

En resumo, “ Comprométete co comercio local” buscou a dinamización do comercio local e da hostalería, fortalecer o tecido económico, social e cultural de Lugo, promovendo a diversidade, a identidade local e o benestar xeral dos seus habitantes.